শ্ৰেণী: বিহু গীত
কণ্ঠ: জুবিন গাৰ্গ, অনুপম শইকীয়া
সুৰ: অনুপম শইকীয়া
কথা: অনুপম শইকীয়া
গৰুৰ বিহু গধূলি হুঁচৰি গায়
গৃহস্থই চাকি ধূপ-ধূনা জ্বলাই
কালিলৈ গধূলি হুঁচৰি জুৰিম গৈ
শৰাই খনি থবি সজাই
মোৰ আই ঐ, শৰাই খনি থবি সজাই
গাওঁৰ ঘৰে ঘৰে হুঁচৰি গাই
গৃহস্থই ৰাইজক সেৱা জনাই
মূৰৰ চুলি চিঙি আশীৰ্বাদ কৰিছো
বছৰটি যে কুশলে যায়
মোৰ আই ঐ, বছৰটি যে কুশলে যায়
ঢোলে তালে খোলে হুঁচৰি গাই
হুঁচৰিৰ তুলনা পাবলৈ নাই
ৰাইজৰ পদ-ধূলাই প্ৰবিত্ৰ কৰিছে
চৌদিশে ৰজন জনাই
মোৰ আই ঐ সেৱকীয়ো আহা ওলাই
ঐ ৰাম, গৰু গাই বান্ধি লৈ
ঐ ৰাম, ভকত সব আহিছে
ঐ ৰাম, গাতে চেলেং চাদৰ লৈ
এনে বিনন্দীয়া, আমাৰে হুঁচৰি
নেগায় থাকো কেনেকৈ
মোৰ আই ঐ চিৰদিন থাকিব বৈ
ঐ ৰাম, হুঁচৰি সামৰি
ঐ ৰাম, ভকত হ'ল আজৰি
ঐ ৰাম, শৰাই অৰিহণা লৈ
আমি ডেকাসবে ব’লা বিহু মাৰো
নাচনীক লগতে লৈ
মোৰ আই ঐ নাচনীক লগতে লৈ
No comments:
Post a Comment